lunes, 24 de diciembre de 2012

FELICES FESTAS!

As bolboretas queremos desexarvos Felices Festas a tod@s.

RECOMENDACIÓNS

Dende a biblioteca do cole, Güino recoméndanos algunhas lecturas, que poderían ser interesantes para pasar un bo rato en familia.

Recomendacións nadal12 from ana alvarez

Ademais nestes enlaces poderedes ver algunhas actividades interesantes para facer cos peques nestas vacacións. 
- Cidade da Cultura, Santiago .
- "Navidad Mágica", Narón. 
- Eventos do Concello de Ferrol. 

domingo, 23 de diciembre de 2012

VISITA DOS PAXES REAIS E FIN DE FESTA

O venres, foi o momento d actuar para as nosas familias. Máis nervios, pero cremos que non defraudamos...
E ao rematar a actuación e para despedir ben o trimestre, que podía ser mellor que unha gran comilona e un pouco de baile?



Pero non rematou así o día. Quedaba o máis importante, tiñamos que darlle a carta aos paxes dos Reis Magos, para que non se esquezan de traernos eses ansiados regalos. Despois dunha longa espera, puidemos entregarllas. Algunha bolboreta asustouse un pouco coa súa chegada e non a puido entregar, pero non vos preocupedes que a profe non se esqueceu de darlla e seguro que virán cargadiños de regalos.


sábado, 22 de diciembre de 2012

BUSCANDO UNHA ESTRELA

Despois de tantos e tantos ensaios, chegou o gran momento. Xirasoles e bolboretas estrearon o xoves, a súa primeira actuación no Couceiro, con todo o alumnado e profes do centro como público. Antes da entrada ao escenario, houbo moitos nervios, pero unha vez aberto o telón estes pequerrecho fixéreno moi ben. Con unha pequena caída polo medio, pero superada.
Aquí podedes ver algunhas fotos tanto do baile, como dos momentos anteriores. A estes peques, que por un día, deixaron de ser bolboretas e convertéronse en pitiños, gatiños e peixiños, e ata nunha estreliña. 



Así foi a nosa primeira actuación.


Se queredes gozar das actuación dos demais compañeiros do cole, visitade celecofre
Seguro que vos gustará.

viernes, 14 de diciembre de 2012

TOD@S CON 3 ANIÑOS!

Hoxe, celebramos que as bolboretas máis pequeniñas cumpren "3 aniños". Ademais a profe tamén participou, aínda que ela ten bastantes máis, non nos chegaban os dedos para contalos, eran moitos. Como toda festa que se prece, non puido faltar un tempo de baile. E para rematar ben o día, xogamos un ratiño cos disfraces. Que ben o pasamos!



Moitas grazas ás familias pola colaboración.

CELSO EMILIO FERREIRO

O mércores, día 12-12-12, fixémoslle unha homenaxe ao poeta galego Celso Emilio Ferreiro, no ano do centenario do seu nacemento. Nela puidemos deleitarnos con unha rap, do seu poema "Deitado frente ao mar", interpretado por alumnos de 6º de primaria.






miércoles, 12 de diciembre de 2012

DECORACIÓN DE NADAL

Non só chegou o Nadal á entrada do cole. Nos últimos días as bolboretas traballamos moito para encher de Nadal a nosa clase. E para celebralo ao grande convertémonos nuns simpáticos trasnos.
Cando a profe explicou que iamos poñer uns traxes de trasnos e colgarnos no corredor de infantil, a pregunta de Roi foi "pero despois báixasnos para ir para a casa non?" Pero cando, nos amosou como o iamos a facer, entendímolo a perfección. E era verdade, estamos colgados no corredor das aulas de educación infantil, pero non nós, as nosas fotos... Estamos moi guapos verdade?




E ademais de converternos en trasnos creamos unha árbore de Nadal moi orixinal... Para facela tivemos que pintar cartón con pinceis e témperas, facerlle buratiños co punzón nó cartón para colocar uns palillos e finalmente facer boliñas de plastilina de cores para que a nosa árbore tivese adornos.
 Despois de todo este traballiño, que vos parece a nosa árbore?


domingo, 9 de diciembre de 2012

CHEGOU O NADAL!

Co mes de Decembro chegou o Nadal ao Couceiro . E como non podía ser doutra maneira, o noso cole vaise enchendo pouco a pouco da decoración propia desta festa.
 Na entrada ao centro xa podemos observar unha bonita árbore chea de fermosas estrelas, ademais do belén que a profe Pilar preparou cos seus alumnos.


Moitas grazas ás familias pola implicación na creación destas orixinais estrelas.

sábado, 1 de diciembre de 2012

APRENDENDO DAS XIRAFIÑAS

A chegada da carta de Numerete tróuxonos tamén  moitas dúbidas. Que era iso ao que Numerete chamaba planeta? A bolboreta Iago, algo sabía sobre o tema, e contounos que nos vivíamos no planeta Terra. Pero como seguían moitas dúbidas nas nosas cabezas, as xirafiñas (os nosos compañeiros de 4 anos A), que están investigando sobre o tema e xa saben moitas cousas, invitáronnos á súa clase e aprendemos moito deles. Moitas grazas ás xirafiñas, e ás profes Ana e Cris.
Estas son algunhas fotos da nosa visita.

miércoles, 28 de noviembre de 2012

NUMERETE

Un novo compañeiro chega á nosa clase. Aínda que neste caso en forma de foto, a través dunha carta chegada do espazo.
Parece difícil de entender, pero é que a semana pasada estabamos tan tranquilos na asemblea, cando escoitamos como se movía a porta, miramos e atopamos un sobre verde debaixo dela, abrímola porta, pero non había ninguén...
Pensabamos que fora o carteiro o que nos mandaba unha carta. Pero cando a profe a abriu e a leu, descubrimos que non era así. Tratábase de NUMERETE, un novo amiguiño que viaxa coa súa nave polo espazo, en busca de novos planetas.
Ao día seguinte apareceu un novo sobre verde, nesta ocasión Numerete contounos que chegou ao planeta do número 1. O planeta chamábase así porque so había unha cousa de cada, unha casa, unha árbore, un camión, unha bolboreta, un habitante,... Numerete e mailo habitante fixéronse amiguiños e cando tivo que marchar o habitante regaloulle uns peliños, con forma de 1. Agora estará na súa nave polo espazo, en busca de novos planetas.
E nós esperamos, con moita ilusión, novas das súas aventuras.

Este é o noso amiguiño NUMERETE.


Como podedes observar, xa ten o agasallo do habitante do planeta 1

sábado, 24 de noviembre de 2012

DE CONCERTO...

Esta semana non só tivemos as sorpresas de Güino. O martes, un grupo formado por cinco músicos sorprendéronos cun concerto de vento metal. Ademais de deleitarnos con varias cancións, coñecemos algúns instrumentos de vento: as trompetas, o saxofón, a tuba e o trombón.


              

Nótase que somos os pequeniños do cole. Que era iso da Pantera Rosa e os Picapedra?

lunes, 19 de noviembre de 2012

XA COÑECEMOS A GÜINO

Hoxe, cando chegamos ao cole, a profe contounos que tiñamos unha sorpresa, que iamos coñecer a un amiguiño do cole, que aínda non foramos a visitar. Tratábase de Güino, a mascota da biblioteca, que quería amosarnos a nova decoración. Algúns de nós xa escoitáramos falar del, outros tiñamos algo de medo, porque non sabíamos como era.
 E cando rematou o recreo, preparamos o tren e alí fomos.


 Cando chegamos á biblioteca estaba esperándonos o profe Julio, porque ademais de coñecer a Güino. Julio tiña outras dúas sorpresas preparadas para nós e para a clase dos xirasoles.



Unha das sorpresas era unha canción e a outra un conto "a escaleira".
Mirade que atentos estabamos, encantounos, moitas grazas profe Julio.


sábado, 10 de noviembre de 2012

DÍA DO PEÓN

Como xa é habitual no Couceiro, onte celebramos o "día do peón". Comezamos a mañá dándolle cor a un debuxo conmemorativo deste día; continuamos vendo uns vídeos onde se amosaban as cousas que tanto nenos como maiores podían facer cos peóns, para o noso compañeiro Teo algúns eran heroes por todo o que conseguían facer coa buxaina. E por fin chegou o momento máis esperado, o de saír a bailalos ao patio, onde nos esperaban as nosas familias, para axudarnos a facelo.

Aquí poderedes ver algunhas fotos da celebración, de como intentamos bailar o peón, aínda que non todos tivemos éxito. Polo de agora non dominamos moito a técnica, pero aprenderemos...



Mentres o conseguimos, sempre poderemos botar man da nosa imaxinación para realizar xogos alternativos.

 


Moitas grazas ás familias que viñeron a celebrar con nós este día

viernes, 2 de noviembre de 2012

AS BOLBORETAS CELEBRAMOS O MAGOSTO

Desde que comezamos coa preparación do noso porta-castañas, estivemos impacientes pola chegada da nosa primeira festa con todo o alumnado do cole. Cada día comezábamos a asemblea preguntándolle á profe se faltaban moitos días para "a festa das castañas". E por fin, chegou o día: bailamos, comemos castañas, xogamos e ata apareceu a profe Geni disfrazada de bruxa, pero non nos asustou nadiña.


SAMAÍN!!

Nos últimos días, estivemos preparando a decoración para a festa de Samaín, a máis "terrorífica" do cole. Creamos unhas pantasmas que dan moito medo...

Non so traballamos no cole. As bolboretas, na casa, axudadas polas súas familias crearon unhas cabazas moi divertidas. Xuntamos as nosas cabazas coas dos demais compis do cole e creamos unha entrada ao centro moi terrorífica...




E por fin temos a nosa primeira foto de grupo, estamos moi guapos, verdade?


Grazas ás familias pola colaboración.

sábado, 27 de octubre de 2012

PARABÉNS XIMENA!

Onte celebramos o aniversario da nosa compañeira Ximena, xa ten 3 aniños!!. 
Sorprendeunos cunha torta do máis divertida, era unha BOLBORETA... Estaba moi boa e acabamos todos coa cara chea de chocolate.







 Moitas grazas á mami de Ximena pola colaboración e esa orixinalidade.

viernes, 19 de octubre de 2012

O OUTONO NA CLASE DAS BOLBORETAS

Durante estas últimas semanas o outono inundou a nosa clase. O noso compañeiro Roi sorprendeunos cunha caixiña chea de cousas propias desta estación. E entre todos fixemos a nosa árbore de outono. 

PREPARANDO O MAGOSTO

Xa queda pouco para que as bolboretas celebren o seu primeiro MAGOSTO no cole. Para iso pedímosvos ás familias a vosa colaboración. Necesitamos un brick baleiro, limpiño e cortado pola metade (todos as caras menos unha das máis anchas, coma na foto) para facer o noso porta-castañas para a festa. Moitas grazas!

miércoles, 3 de octubre de 2012

UN DÍA CHEO DE SORPRESAS

Hoxe a nosa clase estivo chea de sorpresas.
A primeira, chegou da man da nosa compañeira Lara, que trouxo ó cole a Pepito, un grilo que atopou o seu veciño.



Outra sorpresa, foi a visita de Javier, un compañeiro de primaria, que nos contou o conto " A toupeira rosa"
Con Javier comeza unha actividade que se levará a cabo durante todo o curso, que consiste na visita semanal dos maiores do cole a lernos contos. O conto de hoxe foi  "A toupeira rosa". Que conto nos lerán o próximo mércores?



E a última sorpresa de hoxe, foi a elección da mascota da nosa clase. Esta elección estivo un pouco disputada, uns querían ser caracois, outros abellas, tamén algún quería que fose a clase dos porquiños ou das xoaniñas, pero finalmente a elección foi entre as serpes e as bolboretas. E dende hoxe, xa somos a clase das "BOLBORETAS"

sábado, 29 de septiembre de 2012

ANIVERSARIOS DE AGOSTO E SETEMBRO

Onte, no cole, celebramos os nosos primeiros aniversarios. Valentina, Hugo, Manuela, Paula, Carolina e Noa xa teñen 3 aniños!!!


Aquí poderedes ver algunhas das fotos da festa.


Moitas grazas as familias pola vosa colaboración.

jueves, 27 de septiembre de 2012

PERÍODO DE ADAPTACIÓN

As primeiras semanas xa remataron e con elas o período de adaptación, aquí poderedes ver algunhas cousiñas que fixemos eses primeiros días.



martes, 11 de septiembre de 2012

CHEGOU O DÍA

Xa está todo a punto para recibirvos a tod@s. A eses nenos e nenas, que este curso seredes os peques do cole.



Sei que mañá vai ser un día de moitos nervios e quizais con choros para algúns de vós. Desexo que gocedes un montón e que nesta andaina que comezamos xuntos sexades moi felices.